सीमा विवाद कूटनीतिक वार्ताबाट समाधान गरिन्छ : मन्त्री गुरुङ
काठमाडौं । नेपाल र भारतबीचको सीमा विवाद कूटनीतिक संवादमार्फत समाधान गरिने सरकारको स्पष्ट धारणा सार्वजनिक गरिएको छ ।
सोमबार मन्त्रिपरिषद्का निर्णय सार्वजनिक गर्दै सरकारका प्रवक्ता तथा सञ्चार तथा सूचना प्रविधिमन्त्री पृथ्वीसुव्वा गुरुङले लिम्पियाधुरा, लिपुलेक र कालापानी क्षेत्रको सीमा विवादबारे सरकार कूटनीतिक माध्यमबाट समाधान खोज्ने नीतिमा स्पष्ट रहेको बताए।
भारत र चीनबीच लिपुलेक नाकाबाट व्यापार सञ्चालन गर्ने सहमति भएको सन्दर्भमा प्रधानमन्त्री पुष्पकमल दाहाल ‘प्रचण्ड’ले सो विषयमा चिनियाँ समकक्षीसमक्ष नेपालको आधिकारिक धारणा राखेको जानकारी गुरुङले दिए।
उनका अनुसार, चिनियाँ राष्ट्रपति सी जिनपिङले यो विषय नेपाल र भारतबीचको मुद्दा भएकाले चीन हस्तक्षेप नगर्ने स्पष्ट जवाफ दिएका थिए। गुरुङले नेपालका सीमाना मिच्न नपाइने र यस्ता विषयहरू आपसी समझदारीमा आधारित भएर समाधान गरिने बताए।