निषेधाज्ञा चुनाव बिथोलिन नदिन कि बिथोल्न ? : राप्रपा अध्यक्ष लिङदेन
काठमाडौं । राष्ट्रिय प्रजातन्त्र पार्टी (राप्रपा) अध्यक्ष राजेन्द्र लिङदेनले पूर्वराजा ज्ञानेन्द्र शाहको काठमाडौं फिर्तीलाई लक्षित गर्दै प्रशासनले लगाएको निषेधाज्ञाप्रति आपत्ति जनाएका छन् । यो निषेधाज्ञाले चुनाव बिथोलिन सक्ने उनको चेतावनी छ ।
आज जिल्ला प्रशासन कार्यालय काठमाडौंले फागुन १ गते राजावादीहरूले प्रदर्शन गर्न लागेको भन्दै त्रिभुवन विमानस्थल परिसरमा निषेधाज्ञा लगाइएको सूचना जारी गरेको थियो । यस्तो प्रदर्शनले चुनावको वातावरण बिथोलिन सक्ने जिप्रकाको दाबी छ । निषेधाज्ञा तोडेमा कानूनी कारबाही हुने चेतावनी प्रमुख जिल्ला अधिकारीले दिएका छन् ।
सामाजिक सञ्जालमा स्टाटस लेख्दै लिङ्देनले प्रश्न गरेका छन्, ‘जिप्रकाले जारी गरेको निषेधाज्ञा चुनाव बिथोलिन नदिने हो कि आफैँ बिथोल्न लागेको हो ? संविधान र संवैधानिक व्यवस्थालाई मनोमानी ढंगले प्रयोग गर्न थालियो भने कसले मान्छ त्यस्ता निषेधाज्ञा ?’